Sundanese, hiburan, tips kesehatan, kecantikan, gaya hidup, and more!

Contoh Dongeng Sunda Tentang Sasatoan (Sireum Jeung Gajah)

by Kustian , at 1:40:00 PM , have 0 komentar

Dalam artikel ini, saya share sebuah contoh cerita dongeng sunda tentang sasatoan yang berjudul sireum jeung gajah.

Baca juga:
Dongeng Sasakala Bahasa Sunda, Sangkuriang Gunung Tangkuban Perahu!
Cerita Sasakala Tentang Malin Kundang Bahasa Sunda!

Baiklah langsung saja disimak contoh carita dongeng sunda tentang sasatoan bahasa sunda dibawah ini.

Contoh Dongeng Bahasa Sunda Tentang Sasatoan

( Sireum jeung Gajah )


Contoh Dongeng Sunda Tentang Sasatoan (Sireum Jeung Gajah)

Jaman baheula aya sireum keur ngarak rajana, ngaliwat kana alur jajalaneun gajah. Keur rame ngarak, jol datang gajah. Sireum nu sakitu keur nakleukna teh, teu antaparah deui, leye-leye bae ditincakan, bongan cenah make ngaliud di jajalaneun.

Atuh lain ratus deui, tapi aya rebuna sireum anu paeh teh. Barang raja sireum ningal baladna rea nu paeh, kacida ambekna, tuluy susumbar, “Eh Sakadang Gajah, sato nu telenges, nu teu boga ras-rasan ka papada mahluk, rasakeun pamales ti kami.

Ulah adigung asa aing. Engke di Jumaah Kaliwon, urang perang tanding jeung kami!” Walon gajah bari seuri, “Rek ngajago Sakadang Sireum teh? Lamun enyaan, heg ku kami didagoan! Di mana hayang perang teh?”

“Tuh di ditu, di handapeun tangkal waru nu itu, nu condong ka jalan!” gancang, gajah nuluykeun deui lampahna. Ari raja sireum teu talangke deui, tuluy bae nabeuh tangara, ngumpulkeun kabeh baladna.

Teu sabaraha lila, balad sireum teh geus nakleuk di tegalan. Ceuk Raja sireum, “Eh balad kami kabeh! Di Jumaah Kaliwon kaula rek perang tnding jeung Sakadang Gajah, tuh handapeun tangkal waru nu itu! Ku sabab eta, kaula menta ka aranjeun sakabeh ulah sisingeun, kudu pada digarawe.

Sarerea kudu nyieun lombang sing gede pikeun piruang. Nya palebah waru nu itu kudu nyieun piruang teh. Prak geura digarawe ti ayeuna. Tapi kade jukutna mah ulah ruksak, kudu angger bae kawas ayeuna.

Dikorowot ti jero bae, taneuhna engke sesakeun, tuh kira sakandel papan beunang Sakadang Manusa, ka luhurna mah.” Balad sireum saur manuk, kabeh pada jangji rek pada suhud digarawe, sarta pada sanggup anggeus dina waktu tujuh poe.

Saomong balad sireun teu nyalahan, dina waktu tujuh poe piruang teh geus beres. Ti luhurna teu katara, teu jiga piruang meueus-meueus acan, kawantu buatan par ahli nerus bumi.

Barang nepi kana waktuna, kana poe Jumaah Kaliwon tea, subuh keneh Raja Sireum geus ngabedega sisi piruang beulah kulon, nyahareup ngetan. Saksi-saksi geus karumpul, nyaeta: Sakadang Peucang jeung Sakadang Monyet.


Wanci haneut moyan, jol Sakadang Gajah ti beulah wetan maju ka kulon, nyampeurkeun Raja Sireum. Jauh keneh oge Raja Sireum geus celuk-celuk nangtang ka Sakadang Gajah, “Gancang ka dieu Sakadang Gajah, ieu sihung kami geus seukeut meunang ngasah tujuh poe tujuh peuting, geus sadia bakal maehan sampean.

Lamun enya sampean sakti, gancang geura rontok kami!” Barang gajah ngadenge panangtang Raja Sireum kitu, jol suruwuk bae narajang. Tapi cilaka, teu kungsi nepi, da awakna kaburu tigebrus manten kana piruang, sukuna tipitek.

Sakadang Gajah adug-adugan meakeun tanaga hayang kaluar tina piruang, tapi weleh teu bisa. Tungtungna beak tanaga ngajoprak teu bisa walakaya. Ceuk raja Sireum ka balad-baladna, “pek ayeuna geura hanca ku aranjeun eta sato telenges teh!”

Balad sireum nu reana mangyuta-yuta, bareng narajang, napuk kana sakujur awak Sakadang Gajah. Gajah ripuh dicocoan ku sireum. “ampuuun…ampuuun!” Sakadang Gajah tulung-tulungan menta ampun.

Manehna taluk tarima eleh, jeung jangji moal deui-deui ngaganggu ka bangsa sireum. Ti dinya riwayatna, aya paribasa “Sireum oge ditincak-tincak teuing mah sok ngalawan”. Atuh lamun aya nu suten, jempol anu jadi perlambang gajah, eleh ku cinggir anu jadi perlambang sireum

Nah demikianlah akhir cerita dari dongeng sunda tentang sasatoan bahasa sundanya, dengan judul sireum jeung gajah. Semoga dapat membantu untuk tugasmu disekolah, dan terimakasih atas waktunya.





Contoh Dongeng Sunda Tentang Sasatoan (Sireum Jeung Gajah)
Contoh Dongeng Sunda Tentang Sasatoan (Sireum Jeung Gajah) - written by Kustian , published at 1:40:00 PM, categorized as Dongeng sunda . And have 0 komentar
No comment Add a comment
Cancel Reply
GetID
Copyright ©2016 Putrasunda.com